ဘွဲ့ယူဖို့ စောင့်နေတဲ့ လူငယ်လေးတစ်ယောက်

တစ်ခါတုန်းက ဘွဲ့ယူဖို့ စောင့်နေတဲ့ လူငယ်လေးတစ်ယောက်ရှိတယ် ။ သူ့ ဖခင်ဟာလည်း ချမ်းသာကြွယ်ဝတဲ့ သူဌေးတစ်ဦးဖြစ်တယ် ။ လပေါင်းများစွာ အဲဒီလူငယ်လေးရဲ့စိတ်မှာ ကိန်းအောင်းနေတဲ့အရာတစ်ခုကတော့ ကားပြခန်းတစ်ခုက ထုတ်တဲ့ ပြိုင်ကားလှလှလေးတစ်စင်းကိုပိုင်ဆိုင်ရဖို့ပဲဖြစ်ပါတယ် ။ ဒါကြောင့် သူက သူ့အဖေကို အဲဒီကားလေးလိုချင်ကြောင်းပြောခဲ့တယ် ။
ဒီလိုနဲ့ ဘွဲ့ယူဖို့ရက်ကနီးလာပါပြီ ။ လူငယ်လေးက သူ့ဖခင်က သူ့ကိုကားဝယ်ပေးမယ့် အရိပ်အယောင်များတွေ့ရမလားဆိုတဲ့ မျှော်လင့်ချက်နဲ့စောင့်နေခဲ့တယ် ။ နောက်ဆုံး — ဘွဲ့ယူမယ့် မနက်ခင်းမှာပေါ့ ။ သူ့အဖေက သူ့ရုံးခန်းထဲကို လာဖို့ လူငယ်လေးကိုခေါ်လိုက်တယ် ။ သူ့အဖေက ဒီလိုသားမျိုး တစ်ယောက်ရှိနေခဲ့အတွက် သူအလွန်ပဲ ၀မ်းသာဂုဏ်ယူရပါကြောင်းပြောင်းပြီး သူ့သားကို ဘယ်လောက်ချစ်ကြောင်းပြောခဲ့တယ် ။ ပြီးတော့ လှပတဲ့စက္ကူနဲ့ထုပ်ထားတဲ့ လက်ဆောင်သေတ္တာလေးကို သူ့သားကို ပေးခဲ့တယ် ။
သိချင်စိတ်ပြင်းပျနေတဲ့လူငယ်လေးက သေတ္တာလေးကို အလျှင်အမြန်ဖွင့်ကြည့်ပြီး တွေ့လိုက်ရတဲ့အရာကတော့ သားရေနဲ့ဖုံးထားတဲ့ တရားစာအုပ်လေးတစ်အုပ်ပါပဲ ။ သူ အလွန်ကို စိတ်ပျက်သွားခဲ့တယ် ။ ချက်ချင်းပဲ ဒေါသတွေထွက်လာခဲ့ပြီး သူ့အဖေကို “ အဖေ့မှာ ရှိတဲ့ ငွေကြေးတွေအကုန်လုံးနဲ့ ကျွန်တော့်ကို ပေးတာကျတော့ ဒီစာအုပ်လေးတစ်အုပ်တဲ့လား ” လို့ အော်ဟစ်ပြောဆိုခဲ့တယ် ။ ပြီးတော့ အဲဒီစာအုပ်ကို လွှင့်ပစ်ခဲ့ပြီး ရုံးခန်းကနေ ပြေးဆင်းခဲ့တယ် ။ သူ ဒီလိုနဲ့ —- သူ့အဖေဆီကို ပြန်လာခဲ့တော့ဘူး ။
——————————————————–
နှစ်ပေါင်းများစွာ ကြာပြီးတဲ့နောက်မှာတော့ လူငယ်လေးဟာ အောင်မြင်တဲ့ စီးပွားရေးလုပ်ငန်းရှင်တစ်ယောက်ဖြစ်လာခဲ့တယ် ။ သူ့အိမ်ထောင်ကျပြီး လှပတဲ့အိမ်ကြီးနဲ့ မိသားစုတစ်စုလည်းပိုင်ဆိုင်ခဲ့တယ် ။ သူအရွယ်ရောက်လာတဲ့အခါ နားလည်လိုက်တာက သူ့ဖခင်ဟာ အခုလောက်ဆို အသက်ကြီးနေပြီး သူ့ဖခင်ကိုတစ်ခေါက်လောက်ပြန်သွားတွေ့သင့်တဲ့အကြောင်းပေါ့ ။သူဘွဲ့ယူတဲ့နေ့ကစပြီး သူ့အဖေကို သွားမတွေ့ခဲ့တာ အခုထိပါပဲ ။ ဒီလိုနဲ့ သူ့အဖေကို သွားတွေ့ဖို့ မစီစဉ်ရသေးခင်မှာပဲ သူ့အဖေ ဆုံးသွားပြီဖြစ်တဲ့အကြောင်း ဒါကြောင့်ပိုင်ဆိုင်မှုတွေ ပေးဖို့ အိမ်ပြန်လာဖို့ အကြောင်းကို ကြေးနန်းစာရောက်လာခဲ့တယ် ။ သူ အိမ်ကို ချက်ချင်းပြန်သွားခဲ့တယ် ။
သူ့အဖေအိမ်ကို ရောက်တဲ့အခါမှာတော့ သူ ရုတ်တရက် ၀မ်းနည်းမှုတွေ နောင်တရမှုတွေနဲ့ ယူကြုံးမရမှုတွေက နှလုံးသားကို မွန်းကြပ်ခံစားစေခဲ့တယ် ။ သူ့အဖေရဲ့ အရေးကြီးတဲ့ စာရွက်စာတမ်းတွေကို သူ ရှာဖွေကြည့်တဲ့အခါမှာတော့ သူနှစ်ပေါင်းများစွာကတည်းက လွင့်ပစ်ခဲ့တဲ့ တရားစာအုပ်လေးကို အသစ်လေးအတိုင်း သူတွေ့ခဲ့ရတယ် ။ မျက်ရည်တွေနဲ့ သူ စာအုပ်လေးကို ဖွင့်ကြည့်လိုက်တဲ့အခါမှာတော့အ ထဲကနေ စာအုပ်လေးတစ်အိတ်နဲ့ထည့်ထားတဲ့ ကားသော့လေး တစ်ချောင်းထွက်ကျလာပါတယ် ။
ကားသော့လေးနဲ့တွဲထားတဲ့စာအိတ်ထဲမှာ ကားကို သူ့နာမည်နဲ့ သူ့အဖေက ၀ယ်ပေးထားကြောင်းသူတွေ့လိုက်ရတယ် ။ သူလိုချင်တဲ့ကားလေး သူလိုချင်တဲ့ ပြခန်းက ပြိုင်ကားလှလှကလေးကို ၀ယ်ယူထားတဲ့ ရက်စွဲကတော့ သူဘွဲ့ယူတဲ့နေ့ပဲဖြစ်ပါတယ် ။ စာရွက်ပေါ်မှာ ရေးထားတာကတော့ “ ငွေချေပြီး ” ဆိုတဲ့ စလစ်နဲ့နောက် သူ့အဖေလက်ရေးနဲံရေးထားတဲ့ “ အဖေမင်းကို သိပ်ချစ်တယ် သား ” ဆိုတဲ့ စာသားလေးပဲဖြစ်ပါတယ် ။
#############################
ကျွန်တော်တို့ဟာ ထုပ်ပိုးမထားတဲ့ အရာတွေကိုပဲ မျှော်လင့်ချက်ကြီးကြီးကြည့်မိကြတယ် ။ တကယ်တော့ ထုပ်ပိုးထားတဲ့ အရာတွေမှာလည်း ကျွန်တော်တို့လိုချင်တဲ့အရာတွေ ရှိနေတတ်ပါတယ် ။ မိဘတွေအပေါ်မှာ ကိုယ်လိုချင်တာမရလို့ စိတ်မဆိုး စိတ်မကောက်ကြပါနဲ့ ။ ဘ၀ဟာ အရမ်းကိုတိုတောင်းလွန်းလှတယ် ။ ကိုယ်လိုချင်တဲ့အရာ ကို မိဘတွေက ၀ယ်ပေးနိုင်သည်ဖြစ်စေ ၀ယ်မပေးနိုင်သည်ဖြစ်စေ ကိုယ့်ကို မွေးဖွားကျွေးမွေးပြုစုစောင့်ရှောက်ခဲ့တဲ့ ကျေးဇူးနဲ့တင် ဒါဟာ ကျွန်တော်တို့အတွက် မိဘတွေဆီက အထိုက်တန်ဆုံးပေးတဲ့လက်ဆောင်ဖြစ်ပါတယ် ။
သက်တန့်ချို
Feb 20-2012