တယ်လီဖုန်း တီထွင်သူ အီတာလျံကြီး အန်တိုနီယို မီယူချီ

ကျွန်တော်ငယ်ငယ် ရှစ်နှစ်၊ ကိုးနှစ်သားလောက်တုန်းက အဖေနဲ့အတူ သူတာဝန်ကျတဲ့နေရာတွေမှာ လိုက်ပြီးနေခဲ့ရပါတယ်။ အဖေ့ရဲ့လုပ်ငန်းခွင်တွေက တောမြို့လေးတွေမှာ အခြေစိုက်တာများပါတယ်။ အဖေရယ်၊ အဖေ့အလုပ်ခွင်ထဲက ကျွန်တော့်ထက် အသက်သုံးပြန်လောက်ကြီးတဲ့သူတွေရယ်၊ အဖေ ဖတ်လက်စ စာအုပ်တွေရယ်ကိုပဲ အဖော်လုပ်ပြီး ကျွန်တော့်ကလေးဘ၀ အချိန်တော်တော်များများကို ကုန်ဆုံးစေခဲ့ရပါတယ်။

အဖေ့ကို ပုံပြင်ပြောပြဖို့ ပူဆာတဲ့အခါတိုင်းမှာ အဖေဟာ သူဖတ်နေတဲ့ စာအုပ်စာတမ်းတွေထဲက အကြောင်းအရာတွေကို ပုံပြင်လုပ်ပြီးပြောပြလေ့ရှိပါတယ်။ တကယ်တော့ သူပြောပြတဲ့ ပုံပြင်တွေဟာ ပုံပြင်စစ်စစ်မဟုတ်ပါဘူး။ သူ့ပုံပြင်တွေထဲမှာ ပါးစပ်ထဲက မီးတောက်မီးလျှံတွေထွက်တဲ့ နဂါးကြီးတွေ၊ မိုးပေါ်ပျံတဲ့ မင်းသားလေးတွေအကြောင်းလည်း မပါသလို သူကလည်း ပုံပြင်ပြောကောင်းတဲ့ သူတစ်ယောက်လည်း မဟုတ်ပါဘူး။ ပေါင်မုန့်မရှိရင် ကိတ်မုန့်စားပေါ့ ဆိုပြီး အစချီတဲ့အကြောင်းအရာဟာ ကလေးတစ်ယောက်အတွက်တော့ ပုံပြင်ကောင်းတစ်ပုဒ် မဟုတ်လောက်ပါဘူး။ ဒါပေမယ့် ကျွန်တော်အတွက်တော့ အိပ်ယာဝင် ပုံပြင်ကောင်း တစ်ပုဒ်ဖြစ်ခဲ့ပါတယ်။

အဖေပြောပြဖူးတဲ့ ပုံပြင်တွေဟာ ရုရှစာရေးဆရာကြီး လီယိုတော်စတွိုင်းရေးတဲ့ ပုံဝတ္တုတွေများပါတယ်။ ရုရှပြည် ဆိုက်ဘေးရီးယားအရပ်ဒေသဟာ တော်တော်အေးမှန်း အဖေ့ကျေးဇူးကြောင့် ခပ်စောစောကတည်းက သိခွင့်ခဲ့ရပါတယ်။ နောက်ပြီးတော့ လီယိုတော်စတွိုင်းကိုလည်း ပုံပြောကောင်းတဲ့ ရုရှအဘိုးကြီးအဖြစ်နဲ့ သိခဲ့ပါတယ်။ အဖေပြောပြဖူးခဲ့တဲ့ လီယိုတော်စတွိုင်းရဲ့ ပုံဝတ္တုတွေထဲမှာ မှတ်မှတ်ရရ ရှိနေတာကတော့ God see the truth, but wait ပါပဲ။ ငယ်ငယ်တုန်းကတော့ ပုံပြင်ထဲက အဖိုးကြီး အိုင်ဗန် ကို သနားမိခဲ့တာပေါ့။ နောက်ပြီးတော့ လူယုတ်မာ ဆယ်မြွန်နစ်ကိုလည်း မြင်ပြင်းကပ်မိပါတယ်။ ကုန်ကုန်ပြောရရင် လူယုတ်မာ ဆယ်မြွန်နစ်ကို ကျိန်ဆဲခဲ့ပါသေးတယ်။

တလောက ပျင်းပျင်းရှိတာနဲ့ ကုတင်အောက်က စာအုပ်ပုံကိုဖွ ဟိုစာအုပ်ဖတ်၊ ဒီစာအုပ်ဖတ် လုပ်ရင်းနဲ့ လီယိုတော်စတွိုင်းရဲ့ ပုံဝတ္တုတွေကိုပြန်ပြီး ပြန်ဖတ်မိပါတယ်။ ပုံဝတ္တုတွေကတော့ အရင်လို လတ်ဆတ်နေဆဲပါပဲ။ ဒါပေမယ့် ကျွန်တော့်ခံစားမှုတွေတော့ နည်းနည်းပြောင်းလဲသွားပါတယ်။ အဖိုးကြီး အိုင်ဗန် ကိုတော့ သနားမိနေဆဲပါပဲ။ လူယုတ်မာ ဆယ်မြွန်နစ်ကို မကျိန်ဆဲမိတော့ပါဘူး။ တော်စတွိုင်းဆိုလိုချင်တဲ့ ဖြစ်တတ်၊ ပျက်တတ်တဲ့ လောကသဘောနဲ့ မပျောက်ပျက်သွားမယ့် အမှန်တရားအကြောင်းကို ရေးတေးတေး သဘောပေါက်စပြုလာပါတယ်။

တကယ်တော့ ဒီသဘောတရားဟာ ဗုဒ္ဓ၀ါဒကို အလေးအနက် ယုံကြည်သက်ဝင်သူတွေအတွက်တော့ အထူးအဆန်းမဟုတ်ပါဘူး။ နောက်တော့ အလုပ်မရှိအလုပ်ရှာပြီး တော်စတွိုင်းဆိုခဲ့တဲ့ ဘုရားသခင်သည် အမှန်တရားကို သိမြင်တော်မူလေ၏။ သို့သော် အချိန်ယူစောင့်ဆိုင်းရမည်ဖြစ်၏ ဆိုတဲ့ စကားရပ်ကို စောကြောမိပါတယ်။

တော်စတွိုင်းဟာ စာဖတ်ပရိသတ်ကို အမှန်တရားဆိုတာဟာ တကယ်တည်ရှိတယ်။ တရားကို နတ်စောင့်တယ်။ ဒီအမှန်တရားပေါ်ထွက်လာဖို့ စောင့်စားရမယ်လို့ ဆိုခဲ့ပါတယ်။ ဒါပေမယ့် ဘယ်လိုစောင့်စားရမယ်ဆိုတာကို မပြောခဲ့ပါဘူး။

အမှန်တရားကို စောင့်ဆိုင်းကြမှာလား။ အမှန်တရားကို ရှာဖွေကြမှာလား ဆိုတာကတော့ ကျွန်တော်တို့ရဲ့ ကိုယ်ပိုင်ရွေးချယ်ချက်ပါပဲ။ ကျွန်တော်တို့ရဲ့ ရွေးချယ်ချက်ကပဲ ကျွန်တော်တို့သွားမယ့်လမ်းကြောင်းကို ပုံဖော်မှာ ဖြစ်ပါတယ်။ အဆုံးသတ်မှာတော့ ကျွန်တော်တို့ ရွေးချယ်တာကိုပဲ ကျွန်တော်တို့ရတာကတော့ ဓမ္မတာပါပဲ။

အတွေးအမြင်စာစဉ် ဘုတ်အုပ်တွေထဲက ၂၀၀၅ ခုနှစ် ဧပြီလထုတ် စာအုပ်တစ်အုပ်ကို ပြန်လှန်ကြည့်ရင်း ဆရာမ ဂျူနီယာဝင်း ရေးသားတဲ့ တယ်လီဖုန်း တီထွင်သူ ဘယ်သူလဲ ဆိုတဲ့ ဆောင်းပါးနဲ့ ဆရာမောင်ဝံသ ရေးသားတဲ့ ကမ္ဘာ့ ကျေးဇူးရှင်တစ်ဦးရဲ့ နေရာမှန် ဆိုတဲ့ ဆောင်းပါးနှစ်ပုဒ်ကို ဖတ်မိခဲ့ပါတယ်။ ဒီဆောင်းပါနှစ်ပုဒ်လုံးဟာ အသိအမြင်သစ်တစ်ခုကို ပေးစွမ်းတဲ့ ဆောင်းပါးကောင်းတွေပါပဲ။

ဒီဆောင်းပါးနှစ်ပုဒ်ကိုဖတ်ပြီးတော့မှပဲ တသက်လုံး အရိုးစွဲလာခဲ့တဲ့ ကျွန်တော့်ရဲ့အသိဟာ တက်တက်စင်အောင်လွဲနေမှန်း သိခွင့်ရခဲ့ပါတယ်။ ငယ်စဉ်တောင်ကျေး အကလေး ဘ၀ကတည်းက ဂရေဟမ်ဘဲလ်ဟာ တယ်လီဖုန်းကို တီထွင်ခဲ့သူလို့ သိခဲ့ရပါတယ်။ အခုတော့ ဒီအသိဟာ ပြောင်းပြန်သဒ္ဓါလန် သွားပါပြီ။ တယ်လီဖုန်းကို တီထွင်ခဲ့သူဟာ အမေရိကန်ပြည်ရောက် အီတာလျံလူမျိုး မျက်နှာမွဲ အညတြစက်မှုပညာရှင် အန်တိုနီယို မီယူချီ (Antonio Meucci) ပဲဖြစ်ပါတယ်။ မှတ်ပုံတင်ဖို့ ပေးဆောင်ရမယ့် ငွေကြေပမာဏကို မပေးဆောင်နိုင်ခဲ့တာကြောင့် သူ့ရဲ့အံ့မခန်းတီထွင်မှုဟာ မှေးမှိန်ဖျော့တော့ခဲ့ရပါတယ်။

မီယူချီ ဟာ အီတလီနိုင်ငံကနေ ကျူးဘားနိုင်ငံကို ၁၈၃၀ မှာ ပြောင်းရွှေ့နေထိုင်ခဲ့ပါတယ်။ မီယူချီ ဟာ တီထွင်မှုပေါင်းများစွာကို ဆောင်ရွက်ခဲ့ပြီး၊ တီထွင်မှု ၁၄ ခု အတွက် မူပိုင်ခွင့် ရရှိခဲ့သူ ဖြစ်ပါတယ်။ မီယူချီဟာ သူ့ရဲ့တီထွင်မှုဖြစ်တဲ့ ဒီနေ့အသုံးပြုနေကြတဲ့ တယ်လီဖုန်းတို့ရဲ့ ဘိုးအေတော်လောက်မယ့် တယ်လီထရိုဖိုနို (Teletrofono) ကို ၁၈၆၀ ခုနှစ်မှာ ထုတ်ဖော်ပြသခဲ့ပါတယ်။ သူရဲ့တီထွင်မှုကို အီတလီဘာသာနဲ့ ထုတ်ဝေတဲ့ နယူးယောက်အခြေစိုက် အီတလီသတင်းစာကပဲ ဖော်ပြပေးခဲ့ပါတယ်။

မီယူချီဟာ တယ်လီထရိုဖိုနိုကို ၁၈၆၀ ခုနှစ်ကတည်း တီထွင် ထုတ်ဖော်ပြခဲ့သူဖြစ်ပါတယ်။ ဒါပေမယ့် မှတ်ပုံတင်ဖို့ ငွေကြေးအလုံအလောက် မရှိရှာလေတဲ့အတွက် မူပိုင်ခွင့်လျှောက်လွှာဟာ အသက်မ၀င်ခဲ့ပါဘူး။ ဒီနှစ်ကာလအတောအတွင်းမှာ မီယူချီဟာ တယ်လီဖုန်းတီထွင်မှု မူပိုင်ရှင်အဖြစ်ထင်ရှားခဲ့တဲ့ အလက်ဇန်္ဒားဂရေဟမ်ဘဲလ်နဲ့ အတူ အလုပ်ရုံတစ်ခု အတူအလုပ်လုပ်ကိုင်ခဲ့ပါတယ်။ ဂရေဟမ်ဘဲလ်ဟာ အဲဒီကနေတဆင့် မီယူချီရဲ့တွေ့ရှိမှုကို သိသွားပုံရပါတယ်။ နောက်ပိုင်းမှာတော့ မီယူချီရဲ့ တွေ့ရှိချက်ဖြစ်တဲ့ တယ်လီဖုန်း အခြေခံစနစ်ကို တနည်းနည်းနဲ့ မတရား ရယူသွားတယ်လို့ ယူဆရပါသတဲ့။

မီယူချီဟာ သူရဲ့တွေ့ရှိမှုကို ကြေးနန်းကုမ္ပဏီတစ်ခုကို ရောင်းချဖို့ ကြိုးစားခဲ့ပါသေးတယ်။ ဒါပေမယ့် အဆင်မပြေတာတွေနဲ့ပဲ ကြုံခဲ့ရပါတယ်။ ဂရေဟမ်ဘဲလ်ဟာ ၁၈၇၇ ခုနှစ်မှာ တယ်လီဖုန်း ထုတ်လုပ်ရောင်းချခွင့် မူပိုင်ခွင့်ကို လျှောက်ထားရာမှာ အောင်မြင်ခဲ့ပြီး၊ တယ်လီဖုန်းထုတ်လုပ်ရောင်းချခွင့် မောင့်မူပိုင်ရှင် ဖြစ်လာခဲ့ပါတယ်။

ဒီသတင်းကိုကြားတော့ မျက်နှာမွဲ အီတာလျံကြီး မီယူချီ ဟာ မခံချိ မခံသာဖြစ်ပြီး ရှိစုမဲ့စုကလေးပိုက်ပြီး မောင့်မူပိုင်ရှင် ဂရေဟမ်ဘဲလဲကို တရားစွဲခဲ့ပါတယ်။ မီယူချီတင်ပြတဲ့ အထောက်အထားတွေဟာ ခိုင်လုံတဲ့အတွက် ရုံးတော်ကလည်း အမှုကိုကြားနာ စစ်ဆေးခဲ့ပါတယ်။ ရုံးတော်က ဂရေဟမ်ဘဲလ်ကို လိမ်လည်မှုနဲ့ စွဲချက်တင်တော့မယ် အခြေအနေအထိတိုင်အောင် တရားတဘောင် ဖြစ်ခဲ့ပါတယ်။ ဒီအမှုဟာ ရုံးတော်မှာ နှစ်လရှည်ကြာခဲ့ပါတယ်။ အမှုမပြီးပြတ်မီ အချိန်အတောအတွင်းမှာပဲ စိတ်ထောင်းကိုယ်ကြေ ဖြစ်နေရှာလေတဲ့ မျက်နှာမွဲ အီတာလျံကြီးဟာ ၁၈၈၉ ခုနှစ်မှာ ကွယ်လွန်သွားခဲ့ပါတယ်။ တရားလိုသေဆုံးပြီးတဲ့နောက်မှာတော့ ဒီအမှုတွဲဟာ မပြီးမပြတ်အဆုံးမသတ်တော့ဘဲနဲ့ ပျောက်ကွယ်သွားခဲ့ပါတယ်။ ဒီလိုနဲ့ပဲ ဂရေဟမ်ဘဲလဲဟာ တယ်လီဖုန်းထုတ်လုပ်ရောင်းချခွင့် မောင့်မူပိုင်ရှင်အဖြစ်နဲ့ ဆက်လက်ရပ်တည်နိုင်ခဲ့ယုံသာမကပဲ၊ ကျွန်တော်တို့သင်ယူခဲ့ရဖူးတဲ့ ကျောင်းသုံးသင်ရိုးတွေထဲကို ၀င်ရောက်ခဲ့ပါတယ်။ မတော်မတရားပြုကျင့်ခြင်းခံရတဲ့ ၀ိညာဉ်ဟာ ပျောက်ကွယ်သွားခြင်းမရှိပါဘူး ဆိုတဲ့ သိုးဆောင်းစကားရှိပါတယ်။ ။ တရားဥပဒေစိုးမိုးတဲ့အရပ်မှာဖြစ်စေ၊ မစိုးမိုးတဲ့အရပ်မှာဖြစ်စေ အမှန်တရားဟာ ပျောက်ကွယ်သွားခြင်းမရှိပါဘူး။ အမှန်တရားဟာ ပကတိအတိုင်း တည်မြဲနေမှာပဲ ဖြစ်ပါတယ်။ အမှန်တရားဟာ လူပြက်တွေပြောတဲ့စကားလို အမှားတရံ ဖြစ်မသွားပါဘူး။

ဘုရားသခင်သည် အမှန်တရားကို သိမြင်တော်မူလေ၏။ သို့သော် အချိန်ယူစောင့်ဆိုင်းရမည်ဖြစ်၏ လို့ တော်စတွိုင်းကဆိုခဲ့ပါတယ်။ ဒီစကားရပ်ဟာ မှန်ကန်ပါတယ်။ ဒီလိုနဲ့ပဲ မီယူချီအတွက် အမှန်တရားဟာ ရာစုနှစ်တစ်ခုကြာမြင့်ခဲ့ပါတယ်။ အမှန်တရားဟာ မေ့ပျောက်သွားခြင်းကို မခံရပါဘူး။ ဇာတိသွေး၊ ဇာတိမာန် ထက်သန်ကြတဲ့ အီတာလျံအနွယ်တွေဟာ ဒီကိစ်္စကို မမေ့ခဲ့ကြပါဘူး။ မျိုးဆက်သစ် အီတာလျံအနွယ် အမေရိကန်တွေဟာ ဒီအမှုကို ပြန်လည်ဖော်ထုတ်ပြီး၊ ဆက်လက်စုံစမ်း စစ်ဆေးပေးဖို့ တိုက်ပွဲဝင်ခဲ့ကြပါတယ်။ သူတို့ဟာ အမှန်တရားပေါ်ထွက်လာဖို့ စောင့်ဆိုင်းသူတွေမဟုတ်ပါဘူး။ အမှန်တရားကို တိုက်ပွဲဝင်တဲ့၊ ရှာဖွေဖော်ထုတ်တဲ့ မျက်မှောက်ခေတ်သူရဲကောင်းတွေဖြစ်ပါတယ်။ အဆုံးသတ်မှာတော့ ဒီအမှုကို အမေရိကန်ကွန်ဂရက်လွှတ်တော်တွင်းမှာ ပြန်လည် မဲခွဲဆုံးဖြတ်ကြပြီးတဲ့နောက် ၂၀၀၂ ခုနှစ် ဇွန်လ ၁၅ ရက် မှာ အမေရိကန်ကွန်ဂရက်လွှတ်တော်ဟာ ကမ္ဘာမြေပေါ်တွင် တယ်လီဖုန်းဟု အမည်တွင်သည့် ကိရိယာကို စတင်တီထွင်သူဟာ စကော့လူမျိုး အလက်ဇန္ဒား ဂရေဟမ်ဘဲလ် မဟုတ်။ အမေရိကန်ပြည်ထောင်စုသို့ ပြောင်းရွှေ့နေထိုင်သူ အီတာလျံကြီး အန်တိုနီယို မီယူချီ သာဖြစ်တယ်လို့ တရားသဖြင့် စီရင်ချက်ချမှတ်ခဲ့ပါတယ်။

ဒါဟာ အီတာလျံအနွယ် အမေရိကန်တွေရဲ့ အောင်ပွဲသာမကပါဘူး။ အမှန်တရားရဲ့ အောင်ပွဲလည်းဖြစ်ပါတယ်။ ၂၀၀၂ ခုနှစ်ဆိုတော့ မီယူချီကွယ်လွန်ခဲ့တာ နှစ်ပေါင်း ၁၁၃ နှစ် ကြာမြင့်ခဲ့ပြီဖြစ်ပါတယ်။ အီတာလျံအနွယ် အမေရိကန်တွေရဲ့ မဆုတ်မနစ်တဲ့ အားထုတ်မှုကြောင့် ဖျော့တော့မှေးမှိန်ခဲ့ရတဲ့ အမှန်တရားဟာ တိမ်ဖုံးရာကနေ ထွက်ပြူလာတဲ့နေ၀န်းလို ထင်ထင်ရှားရှား ပြန်လည်ထွက်ပေါ်ခဲ့ပါပြီ။ ကြယ်ရောင်၊ လရောင်၊ နေရောင်တွေသာ မှေးမှိန်ပျောက်ကွယ်ရိုးရှိပါတယ်။ ညဏ်ပညာ အရောင်အ၀ါကတော့ ပျောက်ကွယ်ရိုးမရှိပါဘူး။ အီတာလျံအနွယ် အမေရိကန်မျိုးဆက်သစ်တွေသာ မကြိုးစားခဲ့ဘူးဆိုရင် ဒီအမှန်တရားဟာ နောက်ထပ်နှစ်ပေါင်း ဘယ်လောက်ကြာအောင် လျစ်လျူရှုခံရဦးမလဲ။ အားထုတ်မှုမရှိမီကာလအထိ အမှန်တရားဟာ မှေးမှိန်နေဦးမှာ ဖြစ်ပါတယ်။

အမှန်တရားကို စောင်ဆိုင်းနေဖို့ မလိုတာဟာ သေချာပါတယ်။ ဂေါတမဗုဒ္ဓဟာ အမှန်တရားကို မစောင့်ဆိုင်းခဲ့ပါဘူး။ အမှန်တရားကို ရှာဖွေခဲ့တာဖြစ်ပါတယ်။ ကျွန်တော်တို့ မျိုးဆက်သစ်တွေဟာလည်း အမှန်တရားကို အမှန်တရားရဲ့ နေရာမှန်ရောက်အောင် စွမ်းဆောင်ရမှာ ဖြစ်ပါတယ်။ ရှာဖွေနည်းတွေကိုလည်း ကိုယ်တိုင်ရှာဖွေရမှာပဲ ဖြစ်ပါတယ်။

ကျွန်တော်တို့ရဲ့ မျိုးဆက်သစ်တွေသင်ယူနေတဲ့ ကျောင်းသုံးသင်ရိုးတွေမှာတော့ တယ်လီဖုန်းတီထွင်သူဟာ ဂရေဟမ်ဘဲလ် ဖြစ်တယ်လို့ဆိုပြီး အခုအထိ မှားမှားယွင်းယွင်း ပို့ချနေတုန်းပါပဲ။ ကျွန်တော်တို့တင် မှားနေသေးတာ မဟုတ်ပါဘူး။ ကျွန်တော်တို့နဲ့အတူ မှားဖော်မှားဖက်တွေ ရှိပါသေးတယ်။ မနေ့က ၀ီကီပိဒယစွယ်စုံကျမ်းကို ကြည့်တော့ သူတို့လည်း မီယူချီကို တရားဝင် အသိအမှတ်ပြုလိုက်ပြီဖြစ်ကြောင်းကို ဖော်ပြထားတာ မရှိသေးပါဘူး။ အမှန်တရားဟာ ပေါ်ပေါက်လာသည့်တိုင်အောင် ဖျော့တော့နေဆဲပါပဲ။ ပေါ်လွင်လာအောင် အရောင်တင်ပေးဖို့ကတော့ ကျွန်တော်တို့မျိုးဆက်သစ်ရဲ့ တာဝန်ပဲ ဖြစ်ပါတယ်။ ကျွန်တော်တို့ အားလုံးမှာ တာဝန်ရှိပါသည်။ သင့်မှာလည်း တာဝန်ရှိပါသည် ဆိုတဲ့ စကားတွေကိုပဲ အပ်ကြောင်းထပ်အောင် ထပ်ပြီးပြောနေရဦးမယ် ထင်ပါတယ်။

မောင်ကျပ်ခိုး